Namaz Ki Imamat Ki Sharaait Kya Hain??
کیا کسی بھی امام کے پیچھے نماز ہو جاتی ہے؟؟

آج کل جب کسی کمپنی میں کسی پوسٹ پر نوکری کے لیے رکھا جاتا ہے تو کتنے خرچے اور کتنی چھان بھین کے بعد کسی کو نوکری پر رکھا جاتا ہے
مگر افسوس کہ نماز کی امامت کے لوگ اس بات کا خیال رنہیں رکھتے کہتے ہیں کہ نماز ہی تو پڑھنی ہے چاہے جس کے پیچھے پڑھی جائے۔

اِمامت کی فضیلت و عظمت اس سے بڑھ کر کیا بیان کی جائے کہ یہ وہ مَنْصَب ہے جسے رسولُ اللہ صلَّی اللہ علیہ واٰلہٖ وسلَّم اور خلفائے راشدین رضی اللہ عنہم اَجمعین نے نبھایا اور اس کے لئے بہترین اَفراد کو منتخب کیا۔

رسولِ اکرم صلَّی اللہ علیہ واٰلہٖ وسلَّم کا فرمان ہے :
روزِ قِیامت تین شخص کستوری کے ٹیلوں پر ہوں گے (ان میں سے) ایک وہ شخص جو قوم کا اِمام رہا اوروہ (یعنی قوم کے لوگ) اس سے راضی تھے۔ (ترمذی ، 3 / 397 ، حدیث : 1993)

ایک روایت میں ہے کہ اِمام کو اس قدر اَجر ملے گا جس قدر اس کے پیچھے نَماز ادا کرنے والے سب مقتدیوں کو ملے گا۔ (نسائی ، ص112 ، حدیث : 364)

ہر شخص امام نہیں بن سکتا چند شرائط تو وہ ہیں جن کا شرعاً پایا جانا لازم ہے جبکہ بہت سے اَوصاف اور کئی خلافِ مُرَوَّت باتوں سے اِجتناب منصبِ امامت کا اَوَّلین تقاضا ہے۔ امامت کی شرائط یہ ہیں :
(1)مسلمان ہونا (2)بالِغ ہونا (3) عاقِل ہونا (4) مرد ہونا (5) قِراءَت صحیح ہونا (6)شرعی معذور نہ ہونا ۔ (مزید تفصیل کے لئے اسلامی احکام کی عظیم کتاب بہارِ شریعت جلد1 ، حصّہ3 ، صفحہ561 تا575 کا مطالعہ کیجئے۔ )

امام نمازِ باجماعت میں بندے اور خالِق کے درمیان واسطہ ہوا کرتا ہے ، واسطہ جس قدر قَوی (یعنی مضبوط) ہوگا اسی قدر مفید ہوگا۔ یہاں ہم اپنے اس مضمون میں ایک مثالی امام كے اوصاف کو 4حصوں میں تقسیم کرتے ہیں :

(1)امام صاحب اور کِردار و گفتار

(2)امام صاحب اور دَرْس و بیان

(3)مسجد کی آبادکاری میں امام صاحب کا کردار

(4)امام صاحب کا اہلِ علاقہ اور مسجد انتظامیہ کے ساتھ انداز

امام صاحب اور کردار و گُفتار

* تقویٰ و پرہیزگاری کے بارے میں صرف پڑھ سُن لینا یا پھر بیان کردینا ہی کافی نہیں بلکہ عمل بھی ضروری ہے اور تقویٰ تو ہر مؤمن کا وَصْفِ عظیم ہے لہٰذا ایک امام کو تو بدرجۂ اولیٰ اس وصف کو اپنانا چاہئے کہ یہ نَمازوں کی قبولیت کا اہم ذریعہ بھی ہے ، رسولُ اللہ صلَّی اللہ علیہ واٰلہٖ وسلَّم نے فرمایا : اگر تم یہ پسند کرتے ہو کہ تمہاری نَمازیں قبول ہوں تو تمہارے بھلے لوگ تمہارے امام ہونے چاہئیں۔ (مستدرک للحاکم ، 4 / 237 ، حدیث : 5034)

* نَماز کی امامت نبیِّ کریم صلَّی اللہ علیہ واٰلہٖ وسلَّم کی نِیابَت (یعنی نائب ہونے) کا ایک حصہ ہے ، چونکہ نبیِّ کریم صلَّی اللہ علیہ واٰلہٖ وسلَّم تمام اوصافِ حمیدہ کے جامع ہیں اس لئے امام کو بھی چاہئے کہ عمدہ اوصاف کو اپنانے کی کوشش کرے اور بُری عادتوں سے بچے ، عوامُ النّاس امام صاحب کے بارے میں حُسنِ ظن رکھتے ہیں کہ وہ ہم سے زیادہ نیک ہیں ، ائمۂ کرام کی ذمّہ داری ہے کہ اس اعتماد کو کمزور ہونے سے محفوظ رکھیں ، بالخصوص ایسے معاملات جن کی وجہ سے نَماز کی ادائیگی پر فرق پڑتا ہو ، ان سے بچنا تو بہت ضروری ہے ، جیسے علانیہ فِسق و فجور والے کام کرنا مثلاً داڑھی کو ایک مٹھی سے کم کروانا ، سرِعام گالی گلوچ کرنا وغیرہ۔ نیز اپنے ظاہر و باطن ، خلوت و جلوت کو ایک جیسا بنائے۔

#Namaz #Salah #Masjid #Imam #Imamat #Shariah #AskMufti #Maulana #askquestion